Börnin í MH reykja alveg rosalega mikið. Þau standa í frímínútum hér á gangstéttinni, svæla í sig reyknum og henda svo stubbunum í götuna. Það er voðalega leiðinlegt að horfa upp á þetta.
Ef helmingurinn af þessu liði yrði veikt þá myndi það leggjast inn á Barnaspítala Hringsins. Mér finnst alveg fáránlega steikt að leggjast inn á Barnaspítala Hringsins með nokkur pakkaár á bakinu.

"Ef fimm þúsund manns gengur í þessa feisbúkkgrúppu þá mun ég gefa fátæku fólki 50 þúsund krónur"
Mér finnst svona feisbúkkgrúppur asnalegar.
Ef fólki langar til að gefa einhverju góðgerðarfélagi peninga þá á það bara að gera það. Ekki vera með eitthvað bölvað vesen því þetta hljómar soldið eins og "mig langar ekkert að gefa fátæku fólki peninga en ef nógu margir nenna að adda sér í þessa grúppu þá neyðist ég víst til þess fyrst ég var að stofna hana"!
Feisbúkk - þar sem hámark plebbaskapsins er að finna!
Annars mæli ég með lamebook.com, þar er hægt að hlæja að plebbum!

Í dag sat ég síðastu kennslustundina með öllum bekknum mínum. Hér eftir munum við vera sundruð. Ég man eftir þegar ég hitti fólkið í bekknum fyrst á kynningu um læknadeild haustið 2004. Ég man að mér þótti þau öll rosalega skrýtin. Í dag eru þau enn mjög skrýtin en þó hef ég komist að því að þau eru vænstu grey. Samt ekki svona grey eins og í Greys.

Ég veit ekki hvað ég á að segja.
Mig langar bara að dansa.

Í gær var mér boðið í grillveislu í Kjósinni. Þar borðaði ég lamb, svín, naut, kjúkling og pylsur í kvöldmatinn. Fjölbreyttari kvöldmat hef ég aldrei borðað.

Ég var stödd á barnum á Kaffibarnum á virku kvöldi um daginn. Það var þá sem ég uppgötvaði að ég ætti við vanda að etja. Djók.
Það var þá sem það kom maður á barinn og ætlaði að kaupa sér sígarettur.

Maður: Hvað kostar sígarettupakki?
Kona á bar: Eittþúsundogfimmtíu!
M: Ha? Eittþúsundsexhundruðogfimmtíu?
K: Nei eittþúsundogfimmtíu!
M: EITTÞÚSUNDOGFIMMHUNDRUÐ?? Það er bara tvöfalt verð miðað við venjulega!!
K: Nei eittþúsundogfimmtíu!
M: Jaaaaaááá eittþúsundogfimmtán!
K: Nei eittþúsundogfimmtíu!
M: Já okey, ég ætla að fá einn pakka.

Þessi maður ætti ekki að reykja. Hann hlýtur að vera með atrófískan heila.

Það er til svo margt skemmtilegt á internetinu t.d. þetta. Ég hef soldið gaman að svona gömlu þótt mér hafi alltaf fundist saga leiðinlegt fag.